Татарстан халкына алты көнлек эш атнасы турында искә төшерделәр

Татарстан халкын алты көнлек эш атнасы көтүен искәртеп уздылар. Эш көннәре 28 февральдән 5 мартка кадәр дәвам итәчәк. Шуннан соң татарстанлыларга 6-8 мартта өч көн рәтән ял бирелә.

Бу Халыкара хатын-кызлар көнен бәйрәм итү белән бәйле. Шулай итеп, 5 март, бәйрәм алды эш шимбәсендә, эш көне бер сәгатькә кыскара, дип хәбәр итә ТР Хезмәт, халыкны эш белән тәэмин итү һәм социаль яклау министрлыгы матбугат хезмәте.

Фото: ТНВ