Татарстанда исерек ир-ат үлгәнчегә кадәр үзенең өлкән яшьтәге әнисен кыйнаган

Чистайда 51 яшьлек ир-ат 71 яшьлек әнисен кыйнаган, ул алган җәрәхәтләрдән шунда ук үлгән. Фаҗига кышның соңгы көнендә Бутлеров урамындагы бер йортның фатирында булган.

Бу факт буенча җинаять эше кузгатылган.

Җинаятьчене оператив рәвештә тоткарлаганнар. Ул үз гаебен таныган. Тоткарланучы әнисен шәхси ызгыш-талаш аркасында үтергән, дип аңлаткан. Якын арада татарстанлыга карар куелачак, дип хәбәр итә ТР буенча Тикшерү идарәсе матбугат хезмәте.

Фото: pexels.com