Казанның Киров районында Горький шоссесындагы транспорт боҗрасы буенча хәрәкәт өлешчә чикләнәчәк

Казанның Киров районында Горький шоссесы ягыннан Восстание урамына таба хәрәкәт иткәндә транспорт боҗрасы буенча хәрәкәт вакытлыча ябылачак, дип Казан Мэриясе матбугат хезмәте хәбәр итә.

Чикләүнең гамәлгә керү вакыты турында шәһәр халкына өстәмә хәбәр ителәчәк.

Күрсәтелгән участокта Горький шоссесын төзекләндерү зонасыннан инженерлык челтәрләре чыгарылачак. Элегрәк хәбәр ителгәнчә, Киров районында юлны киңәйтү белән бәйле әзерлек эшләре башланды. Хәзерге вакытта транспорт боҗрасы янындагы яшел зона участогында инженер-геологик эзләнүләр үткәрелә.