Салкын март: Татарстанда һава -23 градуска кадәр җитәчәк

Быел Татарстанда яз башы шактый салкын булды. Киләсе тәүлек эчендә республика җирлегендә һава торышы сизелерлек үзгәрмәячәк.

ТР Гидрометеорология үзәге синоптиклары фаразлары буенча, чәршәмбе көнне төнлә Татарстанда һава температурасы -14..-19 градуска кадәр кимиячәк, аязган вакытта салкын -23 градуска кадәр көчәячәк. Көндез һава температурасы -5..-10 градус билгесенә җитәчәк.

Казанда төнлә термометр баганалары -14..-16 градус билгесенә төшәчәк. Көндез һаваның максималь температурасы -6..-8 градус. Юлларда элеккечә үк бозлавык саклана.

Фото: pixabay.com