Татарстан җирлегендә салкын һава торышы саклана

Киләсе тәүлектә Татарстан җирлегендә салкын һава торышы саклана. Бу хакта ТР Гидрометеорология үзәге синоптиклары хәбәр итә.

17 март төнендә республикада һава температурасы -14..-19 градуска кадәр төшәчәк, аязган вакытта суык -20..-25 градуска кадәр көчәячәк. Көндез һаваның максималь температурасы -3..-8 градус.

Казанда төнлә -14..-16 градуска кадәр салкын булачак. Көндезге сәгатьләрдә термометр баганалары -3..-5 градус билгесенә җитәчәк. Юлларда элеккечә үк бозлавык саклана.

Фото: pixabay.com