Татарстанда коронавирустан үлүчеләр саны 1814кә җиткән

Татарстанда пандемия башланганнан бирле COVID-19 вирусы корбаннарының гомуми саны 1 814кә җиткән. Узган тәүлектә республика Сәламәтлек саклау министрлыгы тагын дүрт үлем очрагын теркәгән.

Вафат булучылар арасында 83 яшьлек хатын-кыз һәм 71, 73 һәм 75 яшьлек өч ир-ат бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Исегезгә төшерәбез, кичә Татарстанда коронавирус инфекциясе йоктыруның 369 очрагы расланган иде.

Фото: pixabay.com