Онлайн трансляция

Свернуть

Казанның Фучик урамында хәрәкәтне өлешчә чикләячәкләр

Казанның Фучик урамында хәрәкәтне өлешчә чикләячәкләр

https://tnv.ru

28 Март 2022, 17:49

1603

0

Бу метрополитенның икенче линиясенең беренче участогында төзелеш зонасыннан коммуникацияләрне чыгару эшләре белән бәйле.

Казанның Фучик урамында хәрәкәтне өлешчә чикләячәкләр
Казанда Фучик урамындагы автомобиль юлының берничә участогында хәрәкәт вакытлыча чикләнәчәк. Тиешле боерыкка шәһәр Башкарма комитетында кул куелды, дип хәбәр итә Казан мэриясе матбугат хезмәте.

Шулай итеп, 29 марттан 10 апрельгә кадәр 145а һәм 149 нчы номерлы йортлар янында җирле юл һәм тротуар тулысынча, машиналар йөрү өлеше өлешчә ябыла.

11 апрельдән 21 апрельгә кадәр 151 нче номерлы йорт янында тротуар буенча һәм өлешчә хәрәкәт итү өлеше буенча хәрәкәт тулысынча ябылачак.

22 апрельдән 3 майга кадәр 155 нче номерлы йорт янындагы тротуарда хәрәкәт тулысынча, ә Фучик һәм Минск урамнары ягыннан юлда өлешчә ябылачак.

Алга таба ике этапта Фучик урамы буенча 108 нче номерлы йорт янында хәрәкәт чикләнәчәк. 4 майдан 13 майга кадәр хәрәкәтнең үзәк участогы, ә 14 майдан 19 майга кадәр Нокса урамыннан Минск урамына таба юнәлештә өлешчә хәрәкәт итү өлеше ябылачак.

Бу метрополитенның икенче линиясенең беренче участогында төзелеш зонасыннан коммуникацияләрне чыгару эшләре белән бәйле.

Фото: ТНВ

Комментарии 0

Аватар