Оренбург тракты буенча транспорт хәрәкәте өлешчә чикләнәчәк

Казанда Оренбург трактының берничә участогында автотранспорт һәм җәяүлеләр өчен хәрәкәт вакытлыча чикләнәчәк. Тиешле боерыкка шәһәр Башкарма комитетында кул куелды.

Чикләүләр ике этапта кертелә. Шулай итеп, 8 апрельдән 16 апрельгә кадәр 138а номерлы бина янында (Республика клиник хастаханәсенең икенче корпусы) җирле юл ябык булачак. Ә 17 апрельдән 29 июльгә кадәр юл хастаханәнең парковка зонасы янында – 138 к.2 һәм 138 к.9 номерлы йортлар каршында  ябылачак.

Бу газ үткәргеч челтәрләрендәге эшләр белән бәйле.

Фото: ТНВ