Татарстанда сабыйларга нинди исемнәр кушканнар? Кай, Амайя, Вирсавия, Луна һәм Кети

Узган атнада, 4 нче апрельдән 10 нчы апрельгә кадәр, Гражданлык хәле актларын теркәү идарәсенең Казан бүлекләрендә 303 бала — 143 малай һәм 160 кыз тууы теркәлгән. Шул ук чорда 129 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 700 грамм булган, ә иң зурысы 4980 грамм тәшкил иткән, дип хәбәр итә Казанның Гражданлык хәле актларын теркәү идарәсе.

Балаларга кушылган иң популяр исемнәр: Артур, Әскәр, Самир, Әминә, Камилла, София. Сирәк исемнәр: Петр, Федор, Ролан, Кай, Амайя, Вирсавия, Луна, Кети.

Фото: pixabay.com