Казанда Гвардия урамында хәрәкәтне өлешчә чикләячәкләр

Казанда Гвардия урамындагы автомобиль юлы участогында хәрәкәтне вакытлыча чикләячәкләр. Тиешле күрсәтмә Казан муниципаль берәмлегенең Документлар һәм хокукый актлар җыентыгында урын алган, дип хәбәр итә Казан мэриясе матбугат хезмәте.

Шулай итеп, 29 апрельдән 30 апрельгә кадәр 54а номерлы йорт янында автомобиль транспорты һәм җәяүлеләр өчен хәрәкәт итү өлеше ябылачак.

Бу Гвардия урамыннан офис бинасына кадәр керү һәм чыгуны оештыру эшләре белән бәйле.

Фото: ТНВ