Казанда 16 яшьлек кыз 9 каттан егылып үлгән

Бүген иртән 16 яшьлек кыз Казанның Минск урамындагы 52 номерлы йортның 9 катындагы фатирдан егылып төшкән. Алган җәрәхәтләрдән яшүсмер шунда ук үлгән.

KazanFirst басмасы мәгълүматлары буенча, фаҗига алдыннан кыз дусты белән талашкан. Шулай ук кызның тумышы белән Арчадан булуы билгеле. Ул Казанда арендага алган торакта әти-әнисе белән бергә яшәгән.

Кызның егылу мизгелен йорт подъездында урнашкан видеокүзәтү камерасы теркәгән. Мондый видеоларны авыр кичергән кешеләргә карау киңәш ителми.