Казанда яшүсмер 17 каттан егылып үлгән

Кичә кич белән 14 яшьлек егет Казанның Оренбург трактындагы 140 номерлы йортның 17 нче катында урнашкан фатир тәрәзәсеннән егылып төшкән.

14 яшьлек малай алган җәрәхәтләрдән шунда ук үлгән. Бу хәлнең сәбәпләре ачыклана, дип яза «Татар-информ».

Исегезгә төшерәбез, бу көннәрдә генә 16 яшьлек кыз Казанның Минск урамындагы 52 номерлы йортның 9 катындагы фатирдан егылып төшкән иде. Алган җәрәхәтләрдән яшүсмер урында ук үлгән.

Кызның егылу мизгелен йорт подъездында урнашкан видеокүзәтү камерасы теркәгән. Мондый видеоларны авыр кичергән кешеләргә карау киңәш ителми.