Казанның Авиатөзелеш районында су вакытлыча бетәчәк

21 апрельдә Авиатөзелеш районының кайбер йортларында су белән тәэмин итү туктатылачак. Бу күчереп салынган үткәргечләрне яңадан тоташтыру эшләре белән бәйле, дип хәбәр итә Казан мэриясе матбугат хезмәте.

"Водоканал" МУП хәбәр иткәнчә, 9:00 сәгатьтән 23:00 сәгатькә кадәр су бирү түбәндәге адреслар буенча туктатылачак: Теплично-Комбинатская ур., 2, 4, 6, 8, 8а (268 нче номерлы балалар бакчасы), 10, 12, Тэцевская ур., 10 корп.1, 10 лит.Г7.

Халыкка алдан ук су запасы җыеп куюны сорыйлар.

Фото: pixabay.com