Казанда Чистай урамы буенча хәрәкәт чикләнгән

Казанда Чистай урамында хәрәкәт вакытлыча чикләнгән. Тиешле боерыкка шәһәр Башкарма комитетында кул куелды, дип хәбәр итә Казан мэриясе матбугат хезмәте.

15 августка кадәр транспорт һәм җәяүлеләр хәрәкәте өчен 10/8, 12, 14, 16/15, 20/12, 22, 26, 28 номерлы йортлар янындагы участок ябык. 30 апрельдән 1 майга кадәр хәрәкәт Меридиан урамы, 28 номерлы йорт янында чикләнәчәк.

Бу өченче төньяк коллекторны реконструкцияләү эшләре белән бәйле.

Фото: ТНВ