Татарстанда сабыйларга нинди исемнәр кушканнар? Хәким, Демьян, Диаз һәм Ансель

Узган атнада, 11 апрельдән 17 апрельгә кадәр, Гаилә хәле актларын теркәү идарәсенең Казан бүлекләрендә 337 бала – 167 кыз һәм 170 малай тууы теркәлгәнен Казан шәһәре матбугат хезмәте хәбәр итә.

Иң кечкенә сабый 900 грамм булган, ә иң зурысы 5120 грамм тәшкил иткән, дип хәбәр итә Казанның Гражданлык хәле актларын теркәү идарәсе.

Балалар исемнәре арасында иң популярлары Матвей, Роман, Марк, Аяз, Аделина, Элина, Камилла, Алиса булган. Ата-аналар үз балаларын кушкан иң сирәк исемнәр: Аким, Хәким, Демьян, Диаз, Адам, Ида, Дамина, Элана, Ансель.

Атна эчендә 126 пар үз никахларын теркәп, гаилә корып җибәргәннәргән.

Фото: pixabay.com