Иртәгәдән Казан урамнарына электр самокатлары кайта

Иртәгә, 23 апрельдә, Казанда электр самокатоларын прокатка бирү сезоны башлана. Быел прокатка бирү нокталары саны артты – схема 500 парковка урынын үз эченә алачак.

Аларның урнашу схемасы шәһәр Башкарма комитеты карары белән расланды, дип хәбәр итә Казан мэриясе матбугат хезмәте.

Транспорт комитетында аңлатуларынча, электр самокатларын урнаштыру схемасын Казанның архитектура һәм шәһәр төзелеше идарәсенең транспорт планлаштыру бюросы эшләгән. Узган ел электр транспортын кую өчен 122 локация оештырылган, быел урыннар саны 4 тапкырга артачак.

Фото: pixabay.com