Данир Сабиров "Кайчан малай алып кайтасыз?", дигән сорауга җавап бирде

Татарстанның атказанган артисты Данир Сабиров телеграмда үзенә еш бирелә торган сорауга җавап бирде.

«Миңа иң еш ишетергә туры килгән сорау, ул — «Данир, ул телисеңдер бит? Кайчан малай алып кайтасыз?». Беләсезме, Ходай ничек язган, шулай була. Мин кызларым белән дә бик бәхетле! Иркәләшеп, яратышып, татарча сөйләшергә тырышып… мәш килеп, бергәләп үсәбез! Мәрьям, Дания, бәйрәм белән! Кызлар көне белән сезне! Яратам, сагынам!

Билгеләп узабыз, бүген, 25 апрель — халыкара кызлар көне.

Фото: t.me/danir_sabirov