Казанның Серов урамында ике трамвай бәрелешү аркасында электр транспорты хәрәкәте тукталган

«Метроэлектротранс» МУП матбугат хезмәтендә Казанда ике трамвай катнашында чираттагы авария турында хәбәр иттеләр. Бу юл-транспорт һәлакәте Серов урамында булган.

Нәтиҗәдә, 1 һәм 6 номерлы маршрутлар хәрәкәте вакытлыча тукталган. Ведомствода билгеләп үтелгәнчә, урында җаваплы хезмәтләр эшли, алар авария нәтиҗәләрен бетергәч, трамвайлар яңадан йөри башлаячак.

Исегезгә төшерәбез, Татарстан башкаласында Электротранспорт катнашында аварияләр даими булып тора. Себер трактында булган аварияне казанлы видеорегистраторга төшергән.

Фото: ТНВ