М7 трассасында хәрәкәт итү тизлеге үзгәргән

Татарстанда М7 трассасының өч участогында һәм Казан аэропорты янында хәрәкәт тизлеген 50 км/с кадәр чикләгәннәр.

Әлеге чикләүләр 827-840 чакрым юл аралыгында Питрәч районында, 957-970 чакрым юлда Мамадыш районында һәм 1154-1161 чакрым юлда Актаныш районында юлны төзекләндерү эшләре аркасында кертелде.

Моннан тыш, Казан — Оренбург трассасында 210-215 чакрымда Әлмәт районында һәм 381-390 чакрымда Баулы районында юл төзекләндерү эшләре алып барыла.

Казан — Буа — Ульяновск юлындагы Югары Ослан районы тирәсендә дә, Йошкар-Ола — Яшел Үзән юлында да вакытлыча юл тамгалары бар. Машина йөртүчеләрне игътибарлы булырга өндиләр, дип яза Шәһри Казан газетасы.

Фото: pixabay.com