ТНВ каналы Россия Герое Дамир Исламовка багышланган фильм күрсәтә

«Соотечественники» тапшыруында Украинада махсус хәрби операция барышында һәлак булган Россия Герое Дамир Исламовның тормышы һәм батырлыгы турында сөйләячәкләр.

Фильм премьерасы 9 май 18:00 сәгатьтә күрсәтеләчәк. Кабатлау — 00:55 сәгатькә каралган.

ТНВда 9 май бәйрәм программасы.

Исегезгә төшерәбез, Казан танк училищесын тәмамлаган егет, 7 март көнне Украинада махсус хәрби операция вакытында һәлак була.

Россия Президенты указы белән аңа, вафатыннан соң - Герой исеме бирелде. Дамир Исламов экипажы идарә иткән танк каршы якның 4 танкын юк иткән, ут ача торган ноктаны сафтан чыгарган. Шушы бәрелештә Дамирның гомере өзелә. Россия Герое белән хушлашырга шәһәре халкы, якыннары һәм туганнары җыелды.

Дамир Исламовны Лениногорскиның Камышлы зиратында, батырлар аллеясында җирләделәр. Шәһәр җитәкчелеге хәзер ул укыган мәктәп яки берәр урамны аның исеме белән атап, истәлеген мәңгеләштерергә җыена.