Билгесез затлар Казанның 58 мәктәбендә шартлаткыч матдә куелу турында хәбәр иткән

Бүген төнлә Казанның 58 мәктәбенең почтасына уку йортлары биналарында шартлаткыч матдә куелу турында хәбәр килгән. Бүген Казанның 175нче гимназиясендә булган котычкыч атышка бер ел булды.

Мәктәп укучыларын һәм аларның әти-әниләрен тыныч калырга һәм хокук саклау органнарыннан тикшерүләр нәтиҗәләрен көтүне сорыйлар. Хәзерге вакытта тикшерү эшләре бара, дип хәбәр итә Казан мэриясе матбугат хезмәте.

Исегезгә төшерәбез, Илназ Галәвиев оештырган атыш нәтиҗәсендә, 7 бала һәм 2 укытучы һәлак була.