Казанда KazanExpress складында посылка ачкан вакытта тавыш гранатасы шартлаган

Кичә кич белән Казанның Химическая урамында урнашкан KazanExpress складында эшчеләр посылка ачкан вакытта страйкбол гранатасы шартлаган, дип хәбәр итә ТР буенча Эчке эшләр министрлыгының матбугат хезмәте.

Бу хәл нәтиҗәсендә хатын-кызны вакытлыча саңгырауланган, ә ир җиңел тән җәрәхәте алган.Икесе дә хастаханәгә барудан баш тарткан. Әлеге факт буенча полицейскийлар тикшерү оештырган.

Фото: pixabay.com