Быел Казан 55,5 млн сумга 1 миллион чәчәк белән бизәләчәк

Быел Казанда 19 мең кв. метр мәйданлы 59 урам чәчәк белән бизәләчәк. Шәһәрнең чәчәк-ландшафт бизәлешенә 55,5 млн сум бүлеп бирелгән. «Шәһәрне чәчәкләр белән бизәү –Татарстан башкаласының имиджын чагылдыра торган чын стандарт», - дип Казан Мэры Илсур Метшин Башкарма комитетта узган эшлекле дүшәмбе вакытында билгеләде дип хәбәр итә Казан мэриясе матбугат хезмәте.

Чәчәкләр Пушкин, Лобачевский, Н.Ершов, С.Хәким урамнарында, Оренбург трактында, Универсиада проспектында һәм башка урамнарда урнаштырылачак. 20 төрдәге сертификацияләнгән чәчәк үсентеләре генә кулланыла. Казанны сальвия, бегония, цинерария, петуния, табак, целлозия, канны, колеус, бархатцы, лобелия һәм башка чәчәкләр бизәячәк. Һава шартлары аркасында үсемлекләрне күпләп утырту майның икенче яртысында башланачак.

Традиция буенча, чәчәкләр белән 24 күләмле композиция бизәләчәк, алар 66 чәчәк фигурасыннан тора, барысы да шәһәрнең төрле урыннарында урнашкан.

Фото: ТНВ