Татарстанда сабыйларга нинди исемнәр кушканнар? Никанор, Селим, Айвар, Мираника һәм Әмир

Узган атнада, 16 майдан 22 майга кадәр, Гражданлык хәле актларын теркәү идарәсенең Казан бүлекләрендә 369 бала — 189 малай һәм 180 кыз тууы теркәлгән. Шул ук вакыт аралыгында 141 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 1200 грамм авырлыкта туган, ә иң зурысы 4800 грамм тәшкил иткән.

Атнаның иң популяр исемнәре Әмир, Кирилл, Илья, Матвей, Вероника, Камилә, Амелия, Элина булган, ә иң сирәк исемнәр – Никанор, Селим, Айвар, Мираника, Маруся, Альвина.

Фото: pixabay.com