25 майда Совет районының кайбер йортларында су бетәчәк

25 майда Казанның Совет районындагы кайбер йортларда су бирү туктатылачак. Бу метрополитенның икенче линиясенең беренче участогында су үткәргечнең күчерелгән участогындагы эшләр белән бәйле, дип хәбәр иттеләр «Водоканал»да.

Казан мэриясе матбугат хезмәте 25 майның 9:00 сәгатеннән 26 майның 6:00 сәгатенә кадәр су бетәчәк урамнарның исемлекләрен язды:

- Сахаров ур., 1, 1б, 13, 13а, 13б, 13в, 13г, 15, 17, 17а, 19, 19а, 29, 31, 31б, 31в, 31г, 31д, 31/1;

- Зәкиев ур., 17, 17а, 39.

Су белән автоцистерналар халыктан кергән гаризалар буенча урнаштырылачак, алар +7(843)231-62-60 телефоны буенча кабул ителә.

Фото: pixabay.com