Рус теленнән беренче БДИны Татарстанның 16 меңнән артык укучысы тапшырды

Татарстанда рус теле буенча беренче мәҗбүри БДИны 16 меңнән артык укучы тапшырды. Үз белемнәрен быелгы чыгарылыш сыйныф укучылары да, шулай ук узган елгы имтихан тапшыручылар да сынадылар.

Республикада БДИ тапшыру моның өчен махсус җиһазландырылган 94 пунктта узды. Бу пандемиядән соң беренче тапкыр дәүләт имтиханының гадәти форматта узуы. Имтихан нәтиҗәләре ике атнадан соң әзер булачак.

ТНВ хәбәрчесе Рамил Галиуллин укытучылар һәм укучылар белән аралашты. Бу хакта тулырак сюжеттан карап белә аласыз.