Татарстанда сабыйларга нинди исемнәр кушканнар? Илхан, Радислав, Иоланта һәм Зифа

Узган атнада, 23 майдан 29 майга кадәр, Гражданлык хәле актларын теркәү идарәсенең Казан бүлекләрендә 367 бала — 214 малай һәм 153 кыз тууы теркәлгән. Шул ук вакыт аралыгында 129 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 700 грамм авырлыкта туган, ә иң зурысы 4850 грамм тәшкил иткән.

Атнаның иң популяр исемнәре Александр, Марк, Матвей, Ян, Виктория, Злата, София, Ясминә булган, ә иң сирәк исемнәр – Альмир, Амиль, Илхан, Радислав, Иоланта, Зифа, Лика, Милания.

Фото: pixabay.com