Татарстанда ял көннәрендә эсселек кимиячәк

4 июньдә көндез Татарстан җирлегендә кыска вакытлы яшенле яңгырлар көтелә. Җил төньяк-көнбатыштан секундына 15-20 метрга кадәр көчәячәк.

Синоптиклар фаразларына караганда, Татарстанда төнлә һава температурасы +12..+17 градус булачак. Көндез Татарстанда һава +21..+26 градуска кадәр җылыначак.

Казанда шимбә төнендә термометр баганалары +15..+17 градус билгесенә төшәчәк. Көндез +22..+24 градуска кадәр җылыначак.

Фото: pixabay