Казанда фатирда әни һәм ике бала исле газ белән агуланган

Кичә кич Балалар Республика клиник хастаханәсенә 14 яшьлек малай һәм 16 яшьлек кыз эләккән. Алар Казанның Беломорская урамындагы 35А санлы йортның бер фатирында исле газ белән агуланганнар.

Моннан тыш, үсмерләрнең 39 яшьлек әнисе дә агуланган. Ул хастаханәгә ятудан баш тарткан, дип хәбәр итә Татарстан Гадәттән тыш хәлләр министрлыгы матбугат хезмәте.

Бу факт буенча прокуратура тикшерү оештырган.

Фото: ТНВ