Татарстанда сабыйларга нинди исемнәр кушканнар? Идрис, Теодор, Эстелла һәм Эвия

Узган атнада, 20 июньнән 26 июньгә кадәр, Гражданлык хәле актларын теркәү идарәсенең Казан бүлекләрендә 358 бала — 176 малай һәм 182 кыз тууы теркәлгән. Шул ук вакыт аралыгында 312 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 820 грамм авырлыкта туган, ә иң зурысы 4690 грамм тәшкил иткән.

Атнаның иң популяр исемнәре Әмир, Эмин, Арсений, Эмилия, Азалия, Ясминә булган, ә иң сирәк исемнәр –  Рим, Анатолий, Идрис, Теодор, Эстелла, Афина, Эвия, Эллина.

Фото: pixabay