Казанның Совет районы йортларында бер тәүлеккә су бетәчәк

12 июльдә Казанның Совет районындагы кайбер йортларда су бирү туктатылачак. Бу метрополитенның икенче линиясе төзелеше урынында суүткәргечне күчерү эшләре белән бәйле, дип хәбәр итә Казан мэриясе матбугат хезмәте.

12 июль 9:00 сәгатьтән 13 июль 6:00 сәгатькә кадәр түбәндәге адреслар буенча су туктатылачак:

Айтматов ур., 1, 5, 6, 7, 8, 10;

Ломжа ур., 20а, 24, 24а, 24б, 24ж, 24/1;

Фучик ур., 90б, 90б корп.1, 90 В, 131, 131а, 131 В, 131 г.

Су тутырылган автоцистерналар халыктан килгән гаризалар буенча урнаштырылачак, алар +7(843)231-62-60 телефоны буенча кабул ителә.