Фучик урамы ябыла - Казан халкы зур бөкеләргә әзерләнә

Казанның Азино микрорайонында яшәүчеләр транспорт бөкеләренә әзерләнә. Бүген Юлиус Фучик урамынының бер участогында хәрәкәтне чикләделәр. Бу яңа Вознесение трактында барган төзелеш эшләре белән бәйле.

Машина йөртүчеләргә 4 августка кадәр башка маршрут сайларга туры киләчәк. Кичә шәһәрнең башкарма комитетында булачак үзгәрешләргә аңлатма бирделәр. Автомобилчеләргә урау юлны ничек табарга? Җәмәгать транспортында йөрүчеләр өчен яңалык бармы? Бу хакта тулырак ТНВ хәбәрчесе Рания Абдрахманова репортажында.

Болай да бөкеләрдән газап чиккән Азино микрорайоны халкы мондый яңалыкка төрлечә карый. Кемдер бөкеләр артыр ди, артык борчылмаучылар да бар.