Теләченең ике авылында коеп яуган яңгыр зур зыян сала - видео

Бәрәңге бакчалары су астында калган, умарта оялары агып киткән, ташкын булып аккан су эченнән бозауның башы гына күренеп тора торган була. Теләче районының ике авылында — Олы Нырсы белән Мирәтәктә коеп яуган яңгыр зур зыян сала. Тагын бер авылда да зыянны әле исәплиләр генә.

Кичә җыелып торган сулар булмаса да, бакчаларга керерлек түгел. Көчле ташкын авыл урамындагы үзара салым акчасына түшәлгән таш юлны да юып киткән. Хәзер аны яңадан саласылары була. Тулырак «Татарстан хәбәрләре» репортажында.