21 июль Татарстанда яшенле яңгырлар һәм көчле җил көтелә

21 июльдә Татарстан җирлегендә кыска вакытлы яңгырлар һәм яшенле яңгырлар көтелә. Яшен вакытында көньяктан исүче җилнең тизлеге 15-18 метр секундка җитәчәк.

Синоптиклар фаразлары буенча, 21 июльгә каршы төндә Татарстанда термометр баганалары +9..+14 градус билгесенә төшәчәк. Көндез һаваның максималь температурасы +20..+25 градус көтелә.

Казанда төнлә +12..+14 градуска кадәр салкын булачак. Көндез һава +22..+24 градуска кадәр җылыначак.

Фото: Наталья Левчук (ТНВ)