Казан-Иннополис маршруты буенча йөрүче автобуска билет бәясен 200 сумга кадәр күтәрәчәкләр

1 августтан Казан-Иннополис маршруты буенча йөрүче автобуска билет бәясе 200 сум тәшкил итәчәк. Моннан тыш, җиде яшьтән кечерәк балалар өчен ташламалы билетлар да 80 сумга кадәр артачак. Бу хакта InnoBus 2.0 t-каналында хәбәр ителә.

INOUT картасы белән түләгәндә юл бәясе шул ук 125 сум калачак, тик аена 30 тапкыр йөрү өчен генә.

Бәяләр арту ягулыкның һәм башка ягулык-майлау материалларының кыйммәтләнүенә, шулай ук техник хезмәт күрсәтү бәясенең артуына һәм гомуми инфляциягә бәйле.