Казанда Салават Күпере аша узучы 62нче автобус маршруты озайтыла

30 июльдән Салават Күпере торак районында яшәүчеләргә транспорт хезмәте күрсәтүне яхшырту максатыннан 62нче санлы автобуслар озайтылган маршрут буенча йөриячәк.

Туры юнәлештә бер тукталыш, ә кире юлда – өч өстәләчәк, дип хәбәр итә Казан мэриясе матбугат хезмәте.

Хәзер 62нче санлылы автобус туры юнәлештә түбәндәге схема буенча йөриячәк: Илһам Шакиров проспекты – Хибин урамы – Наил Юсупов урамы, ә кире юнәлештә – Нурихан Фәттахов урамы – Наил Юсупов урамы – Хибин урамы – Илһам Шакиров проспекты һәм аннан соң маршрут буенча.

Хәрәкәт интервалын киметү өчен 62нче маршрутта эшләүче автобуслар саны бер берәмлеккә артачак, дип хәбәр иттеләр Казанның Транспорт комитетында.

Фото: kzn.ru