Алексеевск районында буада баткан ир-атның мәетен тапканнар

3нче зона янгын-коткару отряды хезмәткәрләре Татарстанның Алексеевск районы Кече Кызылъяр авылы янындагы буада 54 яшьлек ир-атның мәетен табып алган. Аны яр буена алып чыгып, полицейскийларга тапшырганнар.

Россия Гадәттән тыш хәлләр министрлыгының ТР буенча Баш идарәсе матбугат хезмәтеннән «Татар-информ» агентлыгына хәбәр итүләренчә, ир-ат кичә кич баткан.

Фаҗиганең сәбәпләре ачыклана. Әлеге урынның су коену өчен җиһазландырылмаган булганы билгеле.

Фото: ТНВ