Бөгелмәдә ташландык объектларны тикшерә башладылар - бала өстенә бетон койма төшеп үлгән иде

Бөгелмә башкарма комитеты җиде яшьлек кыз үлгәннән соң башландык һәм хуҗасыз объектларын масштаблы тикшерү башлап җибәрде.

Исегезгә төшерәбез, фаҗига 26 июльдә булды. Җиде яшьлек кыз өстенә бетон койма төшкән. Алган җәрәхәтләрдән ул урында ук үлгән.

Мәгълүматлар буенча, бала дуслары белән ташландык ремонт-механика заводы территориясендә уйнаган. Койманың бер өлеше кыз баланың өстенә төшкән.

Бергә уйнаган балалар олыларны чакырганнар, алар полиция һәм ашыгыч ярдәм хезмәткәрләрен чакыртканнар. Кызганыч, медицина хезмәткәрләре килгәнче, бала үлгән була.