Казаннан Түбән Новгородка хәзер электричкада барып җитеп булачак

4 августтан Казан һәм Түбән Новгород арасында электр поездлары йөри башлаячак. Ике шәһәр арасын тоташтыручы поездлар көн саен диярлек йөреп торачак. Чәршәмбе - ял көне.

Казаннан поезд 5:10 сәгатьтә кузгалачак һәм Түбән Новгородка 11:30 сәгатьтә килеп җитәчәк. Түбән Новгородтан поезд 16:08 сәгатьтә китәчәк һәм ТР башкаласында 22:28 сәгатьтә булачак, дип хәбәр итә Горький тимер юлының Казан төбәге матбугат хезмәте.

Билетларны «РЖД» рәсми сайтында, «РЖД пассажирам» мобиль кушымтасында һәм шәһәр яны тимер юл кассаларында сатып алырга мөмкин булачак, дип яза Казан мэриясе матбугат хезмәте.

Фото: ТНВ