Алинә Заһитова ТНВны 20 еллык юбилее белән котлады

Фигуралы шуу буенча Олимпия чемпионы Алинә Заһитова «Яңа Гасыр» телерадиокомпаниясен 20 яшьлек юбилее белән котлады. Ул үз теләкләрен Бөтендөнья татар конгрессының VIII съезды барышында ТНВ журналисты Алмаз Гафиятовка биргән интервьюсында җиткерде.

«Мин быел сезнең телеканалган егерме ел булуын беләм. Рәхмәт сезгә, ярдәмегез өчен, күзәтеп барасыз, белеп торасыз. Сезгә нык сәламәтлек телим. Бик зур рәхмәт!», — дип белдерде легендар спортчы. Алинә Заһитова белән әңгәмәнең тулы язмасын сез биредә күрә аласыз.