Казанда автобус белән юл һәлакәтеннән соң бала һәм пенсионерны хастаханәгә салганнар – видео

Бүген иртән Казанда Адел Кутуй урамында автобус белән юл-транспорт һәлакәте аркасында сигез яшьлек бала һәм 65 яшьлек ир-ат төрле җәрәхәтләр белән ДРКБ һәм РКБга эләккән, дип хәбәр итә Татарстан буенча Эчке эшләр министрлыгының матбугат хезмәте.

Башлангыч мәгълүматларга караганда, автобус йөртүчесе идарәне югалткан, нәтиҗәдә автобус бетон диварга бәрелгән. Социаль челтәрләрдә видео да пәйда булды.