Рөстәм Миңнеханов Татарстан районнарында урып-җыю барышы белән танышты - видео

Татарстанда миллион ярым тоннага якын ашлык суктырылган. Бүгенге көндә урып-җыю кампаниясе планы 22%ка үтәлгән. Апас һәм Буа районнарында эшләрнең барышы белән Татарстан Республикасы Президенты Рөстәм Миңнеханов танышты.

Республика лидеры кырларны карап чыкты һәм хезмәткәрләр белән аралашты. Әйтергә кирәк, Буа җыелган ашлык күләме буенча республикада лидерларның берсе. Апас бераз калыша, әмма анда эшкә соңрак керешәләр. «Татарстан-Яңа гасыр» хәбәрчеселәре быел нинди бурычлар куйганын белеште.