Татарстанда 64 кешене коронавирус белән хастаханәгә салганнар

Узган тәүлектә Татарстанда «коронавирус» диагнозы белән 64 кешене хастаханәгә салганнар. 24 сәгать эчендә табиблар 97 зарарлану очрагын теркәгәннәр.

Пандемия башланганнан бирле ковидтан үлүчеләрнең рәсми саны үзгәрешсез кала - 1998.

Эпидемиологлар сүзләренә караганда, июль белән чагыштырганда, августта авыручылар саны бермә-бер арткан. Узган айда уртача сан 40 булса, хәзергесен үзегез дә күрәсез, ике тапкырдан артып китә.