Казанда югалган 17 яшьлек егетне үле килеш тапканнар

Казанда югалган 17 яшьлек Рәссүл Хәлиловның мәете табылган, аны 18 августтан бирле эзләделәр. Бу хакта «Лиза Алерт» эзләү-коткару хезмәтендә хәбәр иттеләр. Биредә тулырак мәгълүматны бирмәделәр.

Массакүләм мәгълүмат чаралары мәгълүматлары буенча, Рәссүлнең гәүдәсен Казанның Икмәк заводы урамы янындагы урман посадкасында табып алалар. Беренчел мәгълүматлар буенча, яшьүсмер биш көн элек вафат була. Үлем сәбәпләре билгесез.