25 август Татарстанда кабат +33 градуска кадәр кыздырачак

25 август Татарстан җирлегендә аз болытлы һава торышы сакланачак. Бу хакта ТР Гидрометеорология үзәге порталында хәбәр ителә.

Синоптиклар фаразлаганча, республикада төнлә һава температурасы +10..+15 градуска кадәр төшәчәк. 25 августта көндез һаваның максималь температурасы +28..+33 градус көтелә.

Казанда төнлә термометр баганалары +16..+18 градус билгесенә төшәчәк. Көндез +31..+33 градус кадәр эссе булачак.

Элегрәк КФУ профессоры Юрий Переведенцев Татарстандагы экстремаль эсселек, ким дигәндә, 31 августка кадәр дәвам итәчәк, дип фаразлады.

Фото: krasivosti.pro