Быел республикада ел башыннан бирле 17 бала тәрәзәдән егылып төшкән

Быел республикада ел башыннан бирле инде 17 бала тәрәзәдән егылып төшкән. Шуларның икесе үлгән. Узган ел биш сабыйның гомере өзелгән.

Әти-әниләрне күпме генә кисәтсәләр дә, әлегә уңай үзгәрешләр юк. Барлык очракларда да бер үк күренеш. Бала бүлмәдә үзе генә, тәрәзә ачык, бик куелмаган, сабый москит челтәренә таяна һәм егылып төшә.

Белгечләр бала өйдә вакытта тәрәзләрне киң итеп ачмаска, эш белән мәшгуль булып аларны игътибардан югалтмаска киңәш итә.