Яллар башында Татарстанда +34 градуска кадәр эссе булачак

27 августта Татарстан җирлегендә эссе, явым-төшемсез алмашынучан болытлы һава көтелә.  Бу хакта ТР Гидрометеорология үзәге порталында хәбәр ителә.

Синоптиклар фаразларына караганда, төнлә һаваның минималь температурасы +14..+19 градус булачак. Көндез +29..+34 градуска кадәр эссе булыр дип көтелә.

Казанда термометр баганалары +16..+18 градус билгесенә төшәчәк. Көндез һаваның максималь температурасы + 31..+33 градус.

Фото: krasivosti.pro