ТНВ Татарстанда сентябрь аенда нинди һава торышы булачагын ачыклады – видео

Сентябрьнең беренче көннәреннән үк Татарстанда салкынча һава саклана. Төньяк-көнбатыш антициклонының атмосфера фронтлары республика аша уза. Ул төньяк киңлектән салкын һава алып килә.

Урыны белән яңгыр явачак һәм температура кискен төшәчәк. Ял көннәрендә явым-төшем ихтималы аз, температура көндез +19, ә төнлә 2дән 8 градуска кадәр көтелә. Җил вакыты белән 17 м/с.

Метеорологлар фаразлары буенча, Татарстанга җылы көннәр әбиләр чуагы белән киләчәк. Аны сентябрь урталарында көтеп була. Республикада, уртача алганда, ул бер атна дәвам итә.