Татарстанда сабыйларга нинди исемнәр кушканнар? Архип, Рамир, Сәйдәш, Феликс һәм Эльзара

Узган атнада, 29 августтан 4 сентябрьгә кадәр, Гражданлык хәле актларын теркәү идарәсенең Казан бүлекләрендә 311 бала — 158 малай һәм 153 кыз тууы теркәлгән. Шул ук вакыт аралыгында 310 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 650 грамм авырлыкта туган, ә иң зурысы 5070 грамм тәшкил иткән.

Атнаның иң популяр исемнәр арасында Тимур, Камил, Раян, Марсель, София, Карина, Камилла һәм Зәйнәб булган, ә иң сирәк исемнәр –  Архип, Рамир, Сәйдәш, Феликс, Эльзара, Сальмина, Мияна һәм Анжелика.

Фото: pixabay