Казанда керәшен биюе буенча татар телендә мастер-класс узачак

Бүген, 20 сентябрьдә Казанда керәшен биюе буенча татар телендә мастер-класс узачак.

Мастер-классны керәшен «Бәрмәнчек» дәүләт фольклор ансамбле балет артистлары Руслан Насыйров, Алсу Гәрәева, Алмаз Тукманов һәм Юлия Габдрахманова үткәрәчәк. Алар перформанс күрсәтәчәкләр һәм шәһәрлеләрне керәшен биюенең төп хәрәкәтләренә өйрәтәчәкләр.

Чара «Фестиваль» бульварында узачак, дәрес 17:00 сәгатьтә башлана. Мастер-класска керү ирекле. Мастер-класс керәшен мәдәни-агарту газетасы белән берлектә шәһәр Мэриясе тарафыннан оештырылган.

Фото: kzn.ru